புதன், 11 ஏப்ரல், 2012

ஒழுகைமங்கலம் மாரி அம்மன் கோவில் திருவிழா


நம்ம ஊர் ஒழுகைமங்கலம் மாரி அம்மன் கோவில் திருவிழா பத்திரிகை அனைவரும் வருக வருக என வரவேற்கிறேன் .இப்படிக்கு உங்கள் நண்பன் A.S.ராஜ்குமார் 

திங்கள், 13 டிசம்பர், 2010

பொறையாறு அருகே தில்லையாடியில் முதுமக்கள் தாழி கண்டெடுப்பு

பொறையாறு அருகே தில்லையாடியில் 2 ஆயிரத்து 500 ஆண்டுகளுக்கு முற்பட்ட முதுமக்கள் தாழி கண்டெடுக்கப்பட்டுள்ளது.


நாகை மாவட்டம், பொறையாறு அருகே தில்லையாடி சவுக்கடித் தெருவை சேர்ந்தவர் நளபூபதி. இவர் வெளிநாட்டில் வேலை பார்த்து வருகிறார். இவருடைய மனைவி நிமா நேற்று தனது வீட்டின் பின்புறத்தில் கழிவறை கட்டுவதற்காக மண்ணை தோண்டினார். அப்போது பூமிக்கு அடியில் சுமார் 8 அடி ஆழத்தில் வித்தியாசமான சத்தம் கேட்டது. மேலும் தோண்டியபோது அங்கு ஒரு பெரிய மண் பானை இருந்தது.

இது குறித்து நாகை கலெக்டர் முனியநாதன் மற்றும் அதிகாரிகளுக்கு தகவல் தெரிவிக்கப்பட்டது. அவர்கள் அங்கு சென்று பார்த்த போது, அது 2 ஆயிரத்து 500 ஆண்டுகளுக்கு முந்தைய முதுமக்கள் தாழி என்று தெரியவந்தது. இது குறித்து தரங்கம்பாடி டேனிஷ் கோட்டை காப்பாட்சியர் முத்துசாமி நிருபர்களிடம் கூறியதாவது:-

பூமிக்கு அடியில் 8 அடி ஆழத்தில் கண்டெடுக்கப்பட்ட இந்த மண்பானை முதுமக்கள் தாழியாகும். இது 5 அடி உயரம் உள்ளது. மேல்வாய் விட்டம் 2-1/2 அடி, சுற்றளவு 4 அடி பூமிக்கு அடியில் திறந்த நிலையில் உள்ளது. அதன் உள்ளே சிவப்பு நிறத்தில் 2 மண் கலயம், கருப்பு நிறத்தில் 2 மண் கலயம் உள்ளன. மேலும் மண் தட்டு இரண்டு, 4 கிண்ணங்கள், கெட்டியாகி கல்லாகி போன மனித பல் வரிசை ஒன்றும் இருந்தது.

முதுமக்கள் தாழி அருகில் வெளிபுறத்தில் 3 அடி நீளம் கொண்ட போர் வாள் ஒன்று கைப்பிடி உறையுடன் இரண்டாக உடைந்த நிலையில் இருந்தது. இது 2 ஆயிரத்து 500 ஆண்டுகளுக்கு மேற்பட்ட பெரும் கற்காலத்தை சேர்ந்ததாகும். போர்படை தளபதி ஒருவரை இதில் வைத்து அடக்கம் செய்யப்பட்டு இருக்கலாம் என்று தெரிகிறது. முதுமக்கள் தாழி மற்றும் பொருட்களை வேதியியல் முறைப்படி சுத்தம் செய்து தரங்கம்பாடி டேனிஷ் கோட்டை அருங்காட்சியகத்தில் வைக்க நாகை கலெக்டர் உத்தரவிட்டுள்ளார்.

இவ்வாறு அவர் கூறினார்.

சனி, 16 அக்டோபர், 2010

பொலிவு பெறும் தரங்கம்பாடி




பொறையாறு: தமிழகத்தின் வரலாற்றுச் சிறப்புமிக்க இடங்களில் ஒன்றாகவும், நாகை மாவட்டத்தின் குறிப்பிடத்தக்க சுற்றுலாத் தலங்களில் ஒன்றாகவும்

கருதப்படும் தரங்கம்பாடியை, சுற்றுலாப் பயணிகளைக் கவரும் வகையில் மேம்படுத்தும் பணிகள் தற்போது மேற்கொள்ளப்பட்டு வருகின்றன.

தரங்கம்பாடி என்றாலே நினைவுக்கு வருவது டேனிஷ் கோட்டைதான். கி.பி. 1620-ம் ஆண்டு கட்டப்பட்ட இந்தக் கோட்டை வரலாற்று முக்கியத்துவம் வாய்ந்தது. இக் கோட்டையினுள் தொல்லியல் துறை அருங்காட்சியகம் ஒன்றும் உள்ளது.

கி.பி. 1305-ம் ஆண்டு மாறவர்ம குலசேகர பாண்டியனால் கட்டப்பட்ட பிரசித்தி பெற்ற மாசிலாமணிநாதர் கோயில். கி.பி. 1706-ம் ஆண்டில் தரங்கம்பாடிக்கு வந்து தமிழுக்காக பல்வேறு தொண்டுகள் ஆற்றி, முதல் தமிழ் அச்சுக் கூடத்தை நிறுவிய ஜெர்மன் நாட்டின் சீகன் பால்குவின் நினைவுச் சின்னம், அவரது முழு உருவச் சிலை, சியோன் கிறிஸ்தவ ஆலயம், புதிய ஜெருசலேம் ஆலயம், 300 ஆண்டுகள் பழைமை வாய்ந்த மசூதி, ஆளுநர் மாளிகை என வரலாற்று ஆர்வலர்களையும், வெளிநாட்டவரையும் கவரக் கூடிய பல இடங்களையும் கொண்டது தரங்கம்பாடி. இதனால், இங்கு ஏராளமான சுற்றுலாப் பயணிகள் வந்து செல்கின்றனர்.

ஆனால், இங்கு வரும் சுற்றுலாப் பயணிகளுக்குப் போதுமான வசதிகள் இல்லை என்று பரவலாக கருத்து இருந்தது. குறிப்பாக, கடற்கரையோரத்தில் மின் விளக்கு வசதி, கழிவறை, குளியலறை வசதிகள், சுற்றுலாப் பயணிகள் அமர நிழல் குடைகள் போன்ற எதுவுமே இல்லை. இதனால், இங்கு வரும் சுற்றுலாப் பயணிகள் சிறிது நேரத்திற்கு மேல் தங்க முடிவதில்லை. அதனால், போகிற போக்கில் பார்த்துவிட்டு செல்லக்கூடிய ஓர் இடமாகவே தரங்கம்பாடி இருந்து வந்தது.

இந்நிலையில், சுற்றுலாப் பயணிகளின் வருகையை அதிகப்படுத்தவும், அவர்களுக்கு வேண்டிய வசதிகளை செய்யவும் மத்திய சுற்றுலாத் துறை நிதியின் மூலம் பல்வேறு பணிகள் தற்போது மேற்கொள்ளப்பட்டு வருகின்றன.

டேனிஷ் கோட்டை முன் பகுதியில் கிரானைட் கல்களை பதித்து சாலை அமைக்கும் பணி, மின் விளக்குகள், நிழல் குடைகள் அமைக்கும் பணி உள்ளிட்ட பணிகள் மேற்கொள்ளப்பட்டு வருகின்றன. மேலும், டேனிஷ் கோட்டையின் உள்புறத்தில் உள்ள தரைப் பகுதியில் சுற்றுலாப் பயணிகள் அமர்ந்து கோட்டையை ரசிக்கும் வகையில் புல் தரை அமைக்கவும் தொல்லியல் துறை அனுமதி அளித்துள்ளது.

தரங்கம்பாடி கடற்கரையோரம் அமைந்துள்ள மாசிலாமணி நாதர் கோயில் கடல் நீர் அரிப்பால் பாதிக்கப்படுவதைத் தடுக்கும் வகையில், இந்து சமய அறநிலையத் துறை மூலம் கோயிலையொட்டியும், கடலுக்குள் 50 மீட்டர் நீளத்திற்கும் கருங்கல்கள் கொட்டும் பணி அண்மையில் நிறைவடைந்தது. கோயிலின் பின்புறம் | 26 லட்சத்தில் 10 சன்னதிகள் அமைக்கும் பணிகள் தொடங்கியுள்ளன. மேலும், பழைய சன்னதி | 3.5 லட்சத்தில் சீரமைக்கப்பட உள்ளது.

மேலும், 1785-ம் ஆண்டு கட்டப்பட்டு சிதிலமடைந்த நிலையில் இருக்கும் டேனிஷ் ஆளுநர் மாளிகை அதன் பழைமை மாறாமல் புதுப்பிக்கப்பட்டு வருகிறது.

தரங்கம்பாடிக்கு சுற்றுலாப் பயணிகள் வருகை அதிகரித்தால், உள்ளூர் மக்களின் பொருளாதார நிலை மேம்படும் என்ற காரணத்தால் உள்ளூர் மக்களின் ஒத்துழைப்போடும், ஆதரவோடுமே எந்த ஒரு வளர்ச்சிப் பணியையும் மேற்கொள்ள வேண்டும் என்ற எண்ணத்தோடு, நாகை மாவட்ட ஆட்சியர் ச. முனியநாதன் அவ்வப்போது உள்ளூர் மக்கள் பங்கேற்கும் ஆலோசனைக் கூட்டங்களை நடத்தி வருகிறார்.

தற்சமயம் மேற்கொள்ளப்பட்டு வரும் பணிகள் விரைவாக முடிக்கப்பட வேண்டும் என்ற எதிர்பார்ப்பு அனைவரது மத்தியிலும் இருக்கிறது.

மேலும், இங்கு சுற்றுலாப் பயணிகள் வந்து தங்கும் வகையிலான விடுதி இல்லை. அதனால், சாதாரண மக்களும் வந்து தங்கிச் செல்லும் வகையில் விடுதிகள் அமைக்கப்பட வேண்டும். படகு குழாமும் அமைக்கப்பட வேண்டும் என்பதோடு, மேம்பாட்டுப் பணிகள் உள்ளூர் மக்களை எந்த விதத்திலும் பாதிக்க கூடாது என்பதும் இப் பகுதி மக்களின் எதிர்பார்ப்பு.

ஞாயிறு, 18 ஜூலை, 2010

நாகையில் விடுதலைப் புலிகள் ஊடுருவலா? வெடிபொருட்களுடன் வந்தவர்கள் நோக்கம் என்ன?


நாகப்பட்டினம் : நாகை மாவட்டம் தரங்கம்பாடி அருகே கடல் பகுதியில் ஒதுங்கும் வெடி பொருட்கள் அடங்கிய பார்சல்களில் விடுதலைப் புலிகளின் சீருடை இருந்ததால், விடுதலைப் புலிகள் ஊடுருவியிருக்கலாம் என்ற அச்சம் ஏற்பட்டுள்ளது. நாகை மாவட்டம் தரங்கம்பாடி கடல் பகுதியில் கடந்த 8ம் தேதி மிதந்து வந்த மர்ம பார்சலை, சந்திரப்பாடி மீனவர்கள் எடுத்து போலீசாரிடம் ஒப்படைத்தனர். அதில் இரண்டு கையெறி குண்டு, ஏ.கே.47 துப்பாக்கிக்கு பயன்படுத்தும் 153 தோட்டாக்கள், பிஸ்கட், சாக்லெட், மருந்து பொருட்கள், மழை கோட், காக்கி மற்றும் பச்சை நிற யூனிபார்ம் இருந்தன. மருந்து, வெடி பொருட்களில் சீன எழுத்தும், தின்பண்டங்களில் சிங்கள எழுத்தும் இருந்தது.

தரங்கம்பாடி, குட்டியாண்டியூர் கடற்கரையோரம் 10ம் தேதி மர்ம பார்சல் மீனவர்களால் கண்டெடுக்கப்பட்டு போலீசாரிடம் ஒப்படைக்கப்பட்டது. பார்சலில் கையெறி குண்டு, ஆர்.டி.எக்ஸ். பவுடர், ஏ.கே.47 துப்பாக்கி குண்டு, பெண் கடற்புலிகளின் சீருடைகள் இருந்தன. கடந்த 8ம் தேதி சிக்கிய பார்சலில் ஆண் விடுதலைப் புலி சீருடை, 10 நாட்களுக்கு தேவையான உணவுப் பொருட்களும், 10ம் தேதி சிக்கிய பார்சலில் கடற்புலி- 4005 என்ற அடையாளம் பொறித்த வில்லையுடன், கடற்புலிகளின் சீருடை மற்றும் பெண்கள் அணியும் ஆடைகள் இருந்தன.

இவை ஆண் விடுதலைப் புலி ஒருவரும், பெண் கடற்புலி ஒருவரும் பயன்படுத்தியவை என போலீசாரின் முதற்கட்ட விசாரணையில் தெரிய வந்துள்ளது. விடுதலைப் புலிகள் தமிழக பகுதியில் இருந்து வெடி பொருட்கள், மருந்துகளை கொள்முதல் செய்து கொண்டு செல்லும் வழியில் தவற விட்டவையா அல்லது சதி திட்டத்துடன் வந்தவர்கள் தமிழக பகுதியில் ஊடுருவும் போது தங்கள் அடையாளங்களை மறைக்க யூனிபார்ம் மற்றும் பொருட்களை கடலில் விட்டுவிட்டு சென்று விட்டனரா என்ற கோணத்தில் போலீசார் விசாரணையை துவக்கியுள்ளனர்.

முன்னாள் பிரதமர் ராஜிவ் கொலை சம்பவத்தின் போது சிவராசன், தனு ஆகியோர் வேதாரண்யம் கடல் பகுதியில் ஊடுருவும் போது தங்கள் சீருடைகளை தவிர்த்து விட்டு, பத்திரிகையாளர்கள் போல் தேர்தல் பொதுக் கூட்டத்தில் கலந்து கொண்டு தங்களின் சதி திட்டத்தை செயல்படுத்தினர் என்பதை போலீசார் சுட்டிக் காட்டுகின்றனர். இந்நிலையில், கடந்த 9ம் தேதி காரைக்கால் தபால் அலுவலக பெட்டியில் நாகை எஸ்.பி., பெயருக்கு ஒரு மர்ம தபால் போடப்பட்டிருந்தது. காரைக்கால் போலீசார், மர்ம தபாலை நாகை எஸ்.பி.,யிடம் ஒப்படைத்தனர். அந்த தபாலில் இரண்டு பேட்டரி, ஒயர் துண்டு, ஒரு கடிதம் இருந்தது.

கடிதத்தில், "திட்டச்சேரி சுற்று வட்டார பகுதிகளில் 10க்கும் மேற்பட்ட சிமி இயக்க தீவிரவாதிகள் அடர்ந்த காட்டுப் பகுதியில் ஆயுதப் பயிற்சி எடுத்து வருகிறோம். பல வேடங்களில், பல இடங்களில் சுற்றித் திரிகிறோம். "பொறையாறு அருகே கடலில் மிதந்து வந்த பார்சல், நாங்கள் கடல் வழியாக மூன்று சிமி இயக்க தீவிரவாதிகளுடன் 200 கிலோ கொண்டு வந்தோம். அந்த வெடி குண்டு கடல் சீற்றத்தில் சிக்கி, தவறி விழுந்து விட்டது. இங்ஙனம்: சிமி இயக்க தீவிரவாதிகள், இந்தியன் முஜாகிதீன் பயங்கரவாதிகள், நாகை மாவட்டம், கடல் வழி ஊடுருவல் பயிற்சி கேம்ப், நாகை மாவட்டம்' என குறிப்பிடப்பட்டிருந்தது போலீசாரை குழப்பத்தில் ஆழ்த்தியுள்ளது.

விசாரணையை திசை திருப்பும் வகையில் வந்த அந்த மர்ம கடிதம் எழுதிய நபர், இது போன்று இரண்டு ஆண்டுகளாக போலீசாருக்கு மர்ம கடிதம் எழுதுவதை வழக்கமாக கொண்டுள்ளவர் என்றும், இவரை பிடிக்க நடவடிக்கை எடுத்து வருவதாகவும் போலீசார் தெரிவித்தனர்

வெள்ளி, 18 ஜூன், 2010

தரங்கம்பாடி கடற்கரையில் ஒதுங்கிய வெடிபொருட்கள்:கடற்கரையோரம் வெடிக்க வைப்பு


சீர்காழி அடுத்த தரங்கம்பாடி கடலில் கரை ஒதுங்கிய பச்சை நில பையில் இருந்து எடுக்கப்பட்ட வெடிபொருள் மற்றும் வெடி குண்டுகள் வெடிக்க வைக்கப்பட்டன.நாகை மாவட்டம் சீர்காழி அடுத்த தரங்கம்பாடி மீனவர் கிராம கடற்கரையோரம் நேற்று காலை பச்சை நிற”பேக்”கரை ஒதுங்கியது.

அப்பகுதி மீனவர்கள் கொடுத்த தகவலின் பேரில்,தஞ்சை சரக டி.ஐ.ஜி.,அபய்குமார் சிங்,நாகை எஸ்.பி.,அஸ்வின் கோட்னிஸ் மற்றும் போலீசார் மர்ம பையை கைப்பற்றினர்.

டி.ஐ.ஜி.,முன்னிலையில் வெடிகுண்டு நிபுணர்கள் பையை பிரித்து பார்த்ததில் அதில் ஏ.கே 47-துப்பாக்கிக்கு பயன்படுத்தப்படும் 27-தோட்டாக்கள்,மூன்று கையெறி குண்டு,பாலித்தீன் கவரில் அடைத்து வைத்த வெடி மருந்து,சிறிய டப்பாவில் திரவ வெடி குண்டு,துப்பாக்கி துடைக்க பயன்படுத்தும் எண்ணெய்,மூன்று சயனைடு குப்பிகள்,இலங்கையின் வரைபடம் மற்றும் உயிர் காக்கும் மருந்து பொருட்கள்,பெண்கள் அணியும் ஆடைகள்,பச்சை நிற சீருடை உள்ளிட்ட பல பொருட்கள் இருந்தது தெரிந்தது.

இதையடுத்து அதே பகுதியில் வெடி பொருட்கள் நான்கு அடி குழியில் பாதுகாப்பாக புதைக்கப்பட்டது.தற்போது,இலங்கையில் போர் நடப்பதால் சிங்கள ராணுவத்தால் கொல்லப்பட்ட பெண் கடல் புலிகள் இவற்றை பயன்படுத்தியதாக இருக்கலாம் என போலீசார் சந்தேகப்படுகின்றனர்.கடந்த 8-ம் தேதி இதே போல்,ஒரு பை சந்திரபாடி மீனவனர்கள் கண்டெடுத்துள்ளனர்.அதையும் பாதுகாத்து வைத்திருந்தனர்.

திருச்சியில் இருந்து வெடி குண்டு நிபுணர் குழுவினர் வரவழைக்கப்பட்டு ஐந்து கையெறி குண்டு,வெடி மருந்துகள்,திரவ வெடிகுண்டுகளை நேற்று மாலை 6.30-மணிக்கு கடற்கரையோரம் உள்ள திறந்தவெளி பகுதியில் வெடிக்க செய்தனர்.

சந்திரபாடி,தரங்கம்பாடி பகுதிகளில் தொடர்ந்து இரண்டாவது முறையாக வெடிகுண்டு,தோட்டாக்கள் நிறைந்த பைகள் கிடைத்திருப்பது அப்பகுதியில் பரபரப்பை ஏற்படுத்தியுள்ளது

வியாழன், 29 ஏப்ரல், 2010

நாகை மாவட்டத்தின் பெருமை மிக்க இடங்கள்


திருக்கடையூர்: தரங்கம்பாடி - ஆக்கூர் சாலையில் உள்ள திருக்கடையூர் அபிராமி அம்மன் திருக்கோயில் பெரும்புகழ்பெற்றது.

அபிராமி பட்டரால், அபிராமி அந்தாதி பாடப்பெற்ற பெருமை பெற்றது, இத்தலம். ஆயுள் அபிவிருத்தி பெறவும், நோய் குணமாகவும் இங்கு வேண்டுகின்றனர்.

இத்தலத்தில் உக்ரரத சாந்தி (59), சஷ்டியப்தபூர்த்தி (60), பீமரத சாந்தி (70), சதாபிஷேகம் (80), கனகாபிஷேகம் (90), பூர்ணாபிஷேகம் / மகாபிஷேகம் (100) ஆகிய விழாக்களைக் கொண்டாடுகின்றனர்.

தரங்கம்பாடி: கி.பி. 1620-ம் ஆண்டில் டச்சுக்காரர்களால் கட்டப்பட்ட டேனிஷ் கோட்டை தரங்கம்பாடியில் உள்ளது.

தமிழ்நாடு தொல்லியல்துறையினர் பராமரிப்பில் உள்ள இக்கோட்டையில் நாட்டின் முதல் அச்சகம், அரிய ஓலைச்சுவடிகள், புகைப்படங்கள், படைக்கலன்கள் காட்சிக்கு வைக்கப்பட்டுள்ளன.

கி.பி. 1701 - ல் கட்டப்பட்ட ஜியோன் தேவாலயம், 1792 - ல் கட்டப்பட்ட நுழைவாயில், கி.பி. 1305 - ல் கட்டப்பட்ட மாசிலாமணிநாதர் ஆலயம் ஆகியவையும் குறிப்பிடத்தக்கவை.

பூம்புகார்: சோழர் காலத்தில் துறைமுகமாக வழங்கிய பூம்புகார், வங்கக் கடலோரம் அமைந்துள்ளது. சிலப்பதிகாரக் காட்சிகளைக் கொண்ட எழுநிலை மாடத்தைக் கொண்ட கலைக்கூடம், இழஞ்சி மன்றம், பாவை மன்றம், நெடுங்கல் மன்றம், கொற்றப்பந்தல் ஆகியவை 1973 - ம் ஆண்டில் கட்டப்பட்டு காட்சிக்கு உள்ளன.

பூம்புகாரைச் சுற்றிலும் மேற்கொள்ளப்பட்ட அகழ்வாராய்ச்சி மூலம் எடுக்கப்பட்ட பொருள்கள் அருங்காட்சியகத்தில் காட்சிக்கு உள்ளன.
ஆண்டு தோறும் சித்திரைப் பெüர்ணமியன்று பூம்புகாரில் நடைபெறும் இந்திர விழா சிறப்பானது

வந்து சேர: மயிலாடுதுறையிலிருந்து 25 கி.மீ. தூரத்திலும், சீர்காழியிலிருந்து 21 கி.மீ. தூரத்திலும் அமைந்துள்ள பூம்புகாருக்கு பேருந்து வசதி உண்டு.

தங்குமிடம்: பூம்புகாரில் தங்குவதற்கு பயணியர் விடுதியும், சிப்பி வடிவிலான குடில்களும், ஒரு சங்கு வடிவக் குடிலும் உள்ளன. வாடகை ரூ. 50 முதல் ரூ. 175 வரை.

தொலைபேசி எண்: 04364-260439

சிக்கல்: நாகையிலிருந்து தஞ்சை சாலையில் 5 கி.மீ. தூரத்தில் அமைந்துள்ளது, புகழ்பெற்ற சிக்கல் சிங்காரவேலர் கோயில்.

சீகன் பால்க்



சீகன் பால்க் (Bartholomäus Ziegenbalg ஜூலை 10, 1682 - பெப்ரவரி 23, 1719) என்பவர் ஜெர்மனியைச் சேர்ந்த லூத்தரன் பாதிரி. தமிழ்நாட்டிற்குச் சென்ற முதலாவது புரட்டஸ்தாந்து கிறிஸ்தவ மத போதகர் ஆவர். இந்திய மொழிகளில் தமிழில்தான் விவிலியம் முதன்முதலில் மொழிபெயர்க்கப்பட்டு அச்சேறியது என்பது சிறப்புக்குரிய ஒரு செய்தியாகும். 1714 ஆம் ஆண்டு பர்த்தலோமேயு சீகன்பால்குவினால் முதன்முதலில் தமிழில் மொழியாக்கம் செய்யப்பட்டது. [1]

பொருளடக்கம் [மறை]
1 வாழ்க்கைச் சுருக்கம்
2 மத போதகர்
3 இவர் எழுதிய புத்தகங்களில் சில
4 குறிப்புகள்
5 வெளி இணைப்புகள்

[தொகு] வாழ்க்கைச் சுருக்கம்
ஜெர்மனியில் புல்ஸ்நிட்ஸ் (Pulsnitz) என்ற சிற்றூரில் ஒரு வணிகக் குடும்பத்தில் கடைசி மகனாகப் பிறந்தவர். ஜெர்மனியின் ஹாலா-விட்டன்பேர்க் பல்கலைக்கழகத்தில் கல்வி கற்றார்.

[தொகு] மத போதகர்
இந்தியாவில் கிறிஸ்தவ மதத்தைப் பரப்புமாறு டென்மார்க்கின் நான்காம் பிரெடெரிக் மன்னனின் அழைப்பை ஏற்று சீகன்பால்க் மற்றும் ஹைண்ட்ரிக் புளூட்சோ இருவருமாக ஜூலை 9, 1706 ஆம் ஆண்டில் தரங்கம்பாடியை அடைந்தனர்.

இவர் தொடக்ககாலத்தில் தமிழில் நூற்கள் அச்சிட பல வகைகளில் பங்களித்தார்.




[தொகு] இவர் எழுதிய புத்தகங்களில் சில
Grammatica Damulica (Tamil Grammer) தமிழகம் வர இருந்த ஜெர்மன் பாதிரிகள் இலத்தீன் மொழி வாயிலாக தமிழை இலகுவாகக் கற்பதற்காக எழுதியது
BIbliotheca Malabarica